Pamjet nga punimet në Unazën e Madhe të Tiranës, Rama: Përfundon në fund të këtij viti

Kryeministri Edi Rama ka ndarë pamje nga punimet në Unazën e Madhe të Tiranës, duke thënë se po avancojnë në të gjitha lotet.

Sakaq, Rama shkruan se punimet përfundojnë plotësisht në fund të vitit 2024, kur do hapet edhe për qarkullim. 

“Unaza e Madhe e Tiranës po avancon në të gjitha lotet. Përfundon plotësisht në fund të këtij viti”, ka shkruar Rama krahas pamjeve.

LEXO EDHE:
Mero Baze: Shqipëria dhe Greqia nuk flasin hapur për thelbin e krizës mes tyre

Në videon e ndarë nga Rama jepet informacion për ecurinë e punimeve në të gjitha lotet, ku në fazë më të avancuar është loti 2, me 93% të punimeve të realizuara. Ndërkohë që, sa i takon loteve 4, 5, 6 dhe 7 që përfshijnë unazën e jashtme, volumi i punimeve varion midis 36 – 65%.

Unaza e Madhe e kryeqytetit përbën një segment prej 27 kilometrash të gjatë. Përfundimi i saj në vitin 2024 lehtëson trafikun brenda Tiranës, ndërsa e lidh kryeqytetin me të gjitha rrugët dalëse kombëtare. Kjo unazë do të jetë në shërbim të të gjithë automjeteve, të cilat aksesojnë Tiranën nga të gjitha hyrjet jashtë qytetit, si nga Rruga e Arbrit, ashtu edhe nga rruga Tiranë-Elbasan apo Tiranë-Durrës.

SI.E./Shqiptarja.com

TAG:
• UNAZA E MADHE
• edi rama